మహాత్మా గాంధీ మెమోరియల్

                                    ఇది తమిళనాడు, కన్యాకుమారి జిల్లాలో కలదు. ఇది కన్యాకుమారి పట్టణము నందు బీచ్ రోడ్ లో కలదు. దీనిని 1956 లో జాతిపిత అయిన మహాత్మాగాంధి జ్ఞాపకార్ధంగా దీనిని నిర్మించారు. మహాత్మాగాంధి అస్తికలను కన్యాకుమారిలోని త్రివేణి సంగమంలో కలిపే ముందు ప్రజల సందర్శనార్ధం ఇక్కడ ఉంచారు. మహాత్మాగాంధి 1925 లో మరియు 1937 లో, రెండు సార్లు కన్యాకుమరిని దర్శించారు. 1948 లో గాంధిజీ అస్తికలను కన్యాకుమారిలోని సముద్రజలాలో కలిపారు. దానికి గుర్తుగా ఇక్కడ మహాత్మాగాంధి మెమోరియల్ నిర్మించడం జరిగింది. ఈ నిర్మాణపు ఆకారం యొక్క పైకప్పు 78 అడుగుల ఎత్తులో నిర్మించడం జరిగింది. ఇది (79) గాంధీజీ యొక్క వయసును (చనిపోయేనాటికి) సూచిస్తుంది. ఇందులో గాంధీజీ జీవితంలోని వివిధ ఘట్టాలను తెలిపే ఫోటోలు కలవు. ప్రవేశ సమయము ఉదయం 7 నుండి సాయంత్రం 7 వరకు. ప్రవేశం ఉచితం.

చూడవలసినవి: గాంధీజీ మండపం,  వివేకానంద రాక్ మెమోరియల్,  తిరువల్లువార్ విగ్రహం
వసతి : కన్యాకుమారి  లో  చాలా హోటల్స్  కలవు.
అందుబాటు : త్రివేణి సంగమం నుండి నడక ద్వారా చేరుకోవచ్చు.