జంటనగరాల నుంచి తొలిసారిగా భారతీయ రైల్వే కేటరింగ్ అండ్ టూరిజం కార్పోరేషన్ (IRCTC) వారణాసి, అలహాబాద్ వంటి యాత్రా స్థలాలకు ప్రత్యేక ప్యాకేజి యాత్రలు సిద్ధం చేసింది. ఆధ్యాత్మిక యాత్రలో భాగంగా ఐదు రాత్రులు, ఆరు రోజుల పాటు వారణాసి, సారనాథ్, అలహాబాద్ లో పర్యటనకు ఏర్పాటు చేస్తారు. కాశీ క్షేత్ర దర్శనంతో పాటు అలహాబాద్ త్రివేణి సంగమం, సారనాధ్ బౌద్ధ క్షేత్ర సందర్శనం ఈ యాత్రలో ఉంటాయి.
Read more........
0 Comments
ఇది తమిళనాడు, కోయంబత్తూరు జిల్లాలో కలదు. ఇది కోయంబత్తూరులోని రేస్ కోర్స్ రోడ్డులో కలదు. దీనిని 1979 లో అప్పటి శృంగేరి శారద మఠం పీఠాధిపతి నిర్మించారు. ఇక్కడ అమ్మవారు భక్తుల కోర్కెలు తీర్చే కల్పవల్లిగా ప్రసిద్ధి. అమ్మవారి ఆలయానికి చెరొక వైపు గణపతి మరియు సుబ్రహ్మణ్య స్వామి ఆలయాలు కలవు. ఇక్కడ దేవీ నవరాత్రులను ఘనంగా నిర్వహిస్తారు. ఆ తొమ్మిది రోజులు ఈ ఆలయం బొమ్మల కొలువుతో మరియు భజనలతో చూడ ముచ్చటగా ఉంటుంది. చూడవలసినవి: శారదాంబల్ కోయిల్, రేస్ కోర్స్ రోడ్డు వసతి : కోయంబత్తూర్ లో చాలా హోటల్స్ కలవు. అందుబాటు : గాంధీపురం నుండి బస్సులు కలవు . 
ఇది తమిళనాడు, కోయంబత్తూరు జిల్లాలో కలదు. ఈ ఆలయం కోయంబత్తూర్ నుండి పొల్లాచ్చికి వెళ్ళే మార్గంలో, 13 కిమీ దూరంలో ఉంది. ఇక్కడ ముందుగా మనకు విష్ణుమూర్తి దర్శనమిస్తాడు. ఆలయం ఆవరణలో గణపతి మరియు ఆంజనేయస్వామి దేవాలయాలు కలవు. ఈ ఆలయంలో మనం ముగ్గురు అమ్మలను (సరస్వతి , లక్ష్మి మరియు పార్వతి ) ఒకే చోట చూడవచ్చు. సందర్శన వేళలు ఉదయం 7 గంటల నుండి మద్యాహ్నం 12 గంటల వరకు మరియు సాయంత్రం 4 గంటల నుండి రాత్ర్రి 8.30 గంటల వరకు. చూడవలసినవి: మహాలక్ష్మి ఆలయం మరియు ఎచనారి ఆలయం వసతి : కోయంబత్తూర్ లో చాలా హోటల్స్ కలవు. అందుబాటు : గాంధీపురం నుండి బస్సులు కలవు .  మహాలక్ష్మి ఆలయం  మహావిష్ణువు ఇది తమిళనాడు, కోయంబత్తూరు జిల్లాలో కలదు. ఇది కోయంబత్తూరు పట్టణం నుండి 30 కి.మీ దూరంలో కల కార్మడై గ్రామలో కలదు. ఇది రంగనాథర్ కోయిల్ పక్కనే కలదు. ఇక్కడి నంజుడేశ్వరర్ ఆలయంలో ప్రధాన దైవం శివుడు. ఈ గుడి సుమారు 500 సంవత్సరాల క్రితం నాటిది. ఈ ఆలయంలోని శివలింగం ఎరుపు రంగులో ఉంటుంది. తమిళంలో నంజు అంటే విషం. అమృత మథనం సమయంలో మొదటగా వచ్చిన హాలాహలాన్ని శివుడు తన గొంతులో ఉంచుకుంటాడు. దానికి గుర్తుగా ఈ ఆలయం నిర్మించబడినది. సందర్శన వేళలు ఉదయం 6 గంటల నుండి మద్యాహ్నం 12 గంటల వరకు మరియు సాయంత్రం 4 గంటల నుండి రాత్రి 8.30 గంటల వరకు. చూడవలసినవి: నంజుడేశ్వరర్ ఆలయం , రంగనాథర్ కోయిల్ మరియు టెన్ తిరుపతి వసతి: కోయంబత్తూరులో చాలా హోటల్స్ కలవు. అందుబాటు : కోయంబత్తూరు నుండి బస్సు సౌకర్యం కలదు. 
గుడి ముందు కల ధ్వజ స్థంబం
ఇది తమిళనాడు, కోయంబత్తూరు జిల్లాలో కలదు. ఇది కోయంబత్తూరు నుండి 30 కి.మీ దూరంలో గల కార్మడై అనే గ్రామంలో కలదు. ఇక్కడ ప్రధాన దైవం విష్ణువు. ప్రతి సంవత్సరం ఫిబ్రవరి నెలలో ఇక్కడ రథోత్సవం నిర్వహిస్తారు. అప్పుడు చుట్టుపక్కల ప్రదేశాల నుండి చాలా మంది భక్తులు వస్తారు. ఈ గుడి ఆవరణలో ఆది శంకరాచార్యులవారికి కూడా ఒక గుడి కలదు. గుడికి కొంచెం దూరంలో ఒక కొలను కలదు. ఆ కొలనులోని చేపలకు భక్తులు ఆహారాన్ని ఇస్తుంటారు. చూడవలసినవి: రంగనాథర్ కోయిల్, టెన్ తిరుపతి వసతి: కోయంబత్తూరులో చాలా హోటల్స్ కలవు. అందుబాటు : కోయంబత్తూరు నుండి బస్సు సౌకర్యం కలదు. 
రంగనాథర్ కోయిల్
నూతనంగా నిర్మిస్తున్న గోపురం
గుడికి దగ్గరలో కల కొలను
ఇది తమిళనాడు, కోయంబత్తూరు జిల్లాలో కలదు. ఇది కోయంబత్తూరు నుండి 30 కి.మీ దూరంలో కలదు. మొదటగా పూండి చేరుకోవాలి. అక్కడ ఉన్న శివాలయాన్ని దర్శించుకున్నాక, వెల్లియంగిరి కొండల మీద ఉన్న శివాలయాన్ని దర్శించుకుంటారు. ఇక్కడికి అన్ని సమయాలలో అనుమతి లేదు. కేవలం చైత్రమాసంలో (ఉగాది నుండి ఒక నెల రోజుల వరకు) మాత్రమే అనుమతిస్తారు. మొతం ఏడు కొండలు కలవు. ఏడు కొండల తరవాత శివాలయం వస్తుంది. వెళ్ళడం కొంచెం కష్టమే. చాలా మంది భక్తులు రాత్రివేళ బయలుదేరి, దర్శనం చేసుకొని ఉదయం వరకల్లా కిందికి చేరుకుంటారు. ఎందుకంటే రాత్రి వేళలో వాతావరణం చల్లగా ఉండడం వలన మనకు అంతగా బడలికగా అనిపించదు. ఒకవేళ ఉదయం బయలు దేరినట్లయితే, ప్రయాణం మద్యాహ్నం చేయాల్సి ఉంటుంది, అందులోనూ చాలా వేడిగా ఉండడం వలన, భక్తులు రాత్రివేళల్లో బయలుదేరుతారు. కొండలపైకి వెళ్ళేటప్పుడు చాలా మంది ఒక వెదురు కర్ర లాంటిది తీసుకెళతారు. ఎందుకంటే కొండలు ఎక్కేటప్పుడు కానీ, దిగేటప్పుడు కానీ కర్ర సహాయం చాలా అవసరం. భక్తులు శివుడి దర్శనం తరవాత, కిందికి వచ్చాక ఆ కర్రని ఇంటికి తీసుకెళ్ళి పూజిస్తారు. చూడవలసినవి: శివాలయం, కొండ కింద గల శివాలయం, ధ్యాన లింగ వసతి: కోయంబత్తూరులో చాలా హోటల్స్ కలవు. అందుబాటు : కోయంబత్తూరు నుండి బస్సు సౌకర్యం కలదు.  పైకి వెళ్ళడానికి ఈ గేటు గుండానే వెళ్ళాల్సి ఉంటుంది. దీనిని కేవలం చైత్ర మాసంలోనే తెరుస్తారు.  ఇలాంటి దారిలో కొంచెం జాగ్రత్త సుమా ..  కర్ర సహాయంతో నడుస్తున్న భక్తులు  ఇలాంటి దారిలో మనకు కర్ర సహాయం చాలా అవసరం.  కొండపైన కల దేవాలయపు చిత్రం ఇది తమిళనాడు, కోయంబత్తూరు జిల్లాలో కలదు. ఇది కోయంబత్తూరు పట్టణం నుండి 30 కి.మీ దూరంలో కలదు. ఇక్కడ ప్రధాన దైవం శివుడు. ఇది వెల్లియంగిరి కొండల అడుగు భాగంలో కలదు. వెల్లియంగిరి కొండల మీద (మొత్తం 7 కొండలు) కూడా ఒక శివాలయం ఉన్నది. మొదటగా దీనిని దర్శించుకున్న తరవాత కొండల మీదున్న శివుడిని దర్శించుకుంటారు. కొండలపైన ఉన్న గుడిని చూసి రావడానికి కనీసం 8-10 గంటల సమయం పడుతుంది. కావున చాలా మంది భక్తులు కొండల కింది భాగంలో ఉన్న శివుని గుడి వద్ద బస చేస్తారు. చూడవలసినవి: వెల్లియంగిరి ఆండవార్ కోయిల్, కొండలపైన గల దేవాలయం, ధ్యాన లింగ వసతి: కోయంబత్తూరులో చాలా హోటల్స్ కలవు. అందుబాటు : కోయంబత్తూరు నుండి బస్సు సౌకర్యం కలదు.  ముఖ ద్వారం  కొండ కింద గల దేవాలయం    ఏడు కొండలకు వెళ్ళడానికి ప్రవేశ ద్వారం ఇది తమిళనాడు, కోయంబత్తూరు జిల్లాలో కలదు. ఇది అమరావతి డ్యాం మరియు రిజర్వాయర్కు దగ్గరలోనే కలదు. ఇందులో చాలా మొసళ్ళు కలవు. ఇక్కడ చాలా జాగ్రత్తగా ఉండండి. మొసళ్ళకు ఏదైనా ఆహారం ఇవ్వాలనుకుంటే నేరుగా ఇవ్వకండి. ఎందుకంటే మన చేతుల్ని మొసలి కోరికే ప్రమాదం ఉంది. మొసళ్ళు కదలకుండా చాలా సేపటివరకు అలాగే ఉంటాయి. కొన్ని సార్లు చూస్తున్న మనకు ఇవి నిజంగా మొసల్లేనా లేక బొమ్మలా అని అనిపిస్తాయి. అవి కదలట్లేదు కదా అని మీరు వాటిని కదిలించే ప్రయత్నం మాత్రం చేయకండి. చూడవలసినవి: క్రోకొడైల్ ఫాం మరియు అమతావతి రిజర్వాయర్ వసతి: పలనిలో చాలా హోటల్స్ కలవు. అందుబాటు : పలని నుండి మరియు ఉడుమలైపెట్టై నుండి బస్సు సౌకర్యం కలదు. 
ఇది తమిళనాడు, కోయంబత్తూరు జిల్లాలో కలదు. ఇది ఉడుమలైపెట్టై నుండి 25 కి.మీ దూరంలో కలదు. డ్యాం కింది భాగంలో అమరావతి అమ్మవారి చిన్న గుడి కలదు. ఈ డ్యాంని ముఖ్యంగా వ్యవసాయం కోసం మరియు వరదలను నివారించడానికి కట్టబడినది. దీనిని 1957 లో కామరాజర్ హయాంలో నిర్మించారు. గత 2 సంవత్సరముల నుండి యాత్రికులకు బోటింగ్ సౌకర్యం అందుబాటులోకి తేబడినది. చూడవలసినవి: అమతావతి రిజర్వాయర్, క్రోకొడైల్ ఫాం వసతి: పలనిలో చాలా హోటల్స్ కలవు. అందుబాటు : పలని నుండి మరియు ఉడుమలైపెట్టై నుండి బస్సు సౌకర్యం కలదు. 
అమరావతి డ్యాం
అమరావతి అమ్మవారు
రిజర్వాయర్
ఇది తమిళనాడు, కోయంబత్తూరు జిల్లాలో కలదు. ఇది పొల్లాచిలోని ఎస్.ఎస్. కోయిల్ వీధిలో కలదు. ఈ గుడి 300 సంవత్సరాల క్రితం నాటిదని స్థానికులు చెపుతారు. ఈ ఆలయపు గోపురం మీద గాంధీ, రామకృష్ణ పరమహంస మరియు బుద్దుడి ప్రతిమలు కలవు. ఆలయంలోని శిల్ప కళా సంపద మనల్ని ఆకట్టుకుంటుంది. ఆవు మరియు ఏనుగు రెండు ఉన్న ఒకే ప్రతిమలో రెండింటికి కలిపి ఒకే తల ఉండటం విశేషం. చూడవలసినవి: అమ్మన్ కోయిల్ వసతి: పోల్లాచిలో చాలా హోటల్స్ కలవు. అందుబాటు : పొల్లాచిలో లోకల్ బస్సు సౌకర్యం కలదు. 
గోపురం మీద గాంధీ, రామకృష్ణ పరమహంస మరియు బుద్దుడి ప్రతిమలు
ఆవు మరియు ఏనుగు రెండింటికి ఒకే తల
మూడు సింహాలు
భరతమాత ప్రతిమ
|
నా గురించినా పేరు బద్రినారాయణ ఆనందం. నన్ను మెచ్చేవాళ్ళు , నాకు కావలసినవాళ్లు నన్ను ముద్దుగా బద్రి అని పిలుస్తారు. నాకు చిన్నప్పటినుండి కొత్త కొత్త ప్రదేశాలనన్నింటిని చూడాలని కోరికగా ఉండేది. ఈమద్య కాలం నుండి నేను వరుసగా చాలా ప్రదేశాలు దర్శిస్తున్నాను. నాలాగే చాలా మందికి చాలా ప్రదేశాలు చూడాలని కోరికగా ఉండవచ్చు. కొందరు వెళ్ళవచ్చు మరికొందరు వెళ్ళలేకపోవచ్చు. కొందరికి వెళ్లాలని ఉన్నా ఎలా వెళ్ళాలో తెలియదు మరియు దాని గురించిన సమాచారం కూడా దొరకకపోవచ్చు. నేను వెళ్తున్న ప్రదేశాల వివరాలు మరియు వాటి ఫోటోలు ఇక్కడ మీకందిస్తున్నాను. ఇవి మీకందరికీ కూడా నచ్చుతాయని మరియు ఉపయోగపడతాయని ఆశిస్తూ .... మీ బద్రి ArchivesNovember 2013 CategoriesAll 
ఇక్కడ మీరు చూస్తున్నది చార్మినార్. కాని ఇది హైదరాబాద్ లోనిది కాదు. తమిళనాడు, కోయంబత్తూర్ లోనిది.
పండ్ల ప్రదర్శన - 2013
 మొత్తం పేజీ వీక్షణలు
 |
